केसरी वाडा आणि पुणे ग्रंथालय भेट

विद्यार्थीनींची पुणे ग्रंथालय व केसरीवाडा ऐतिहासिक वास्तू स्थळभेट शिशुमंदिर विभागाच्या मोठ्या गटातील विद्यार्थीनींनी मंगळवार दिनांक ४ / ०८ / २०२६ रोजी लोकमान्य टिळक पुण्यतिथी निमित्त केसरीवाडा या ऐतिहासिक वास्तूला भेट दिली. ’लोकमान्य बाळ गंगाधर टिळक’ यांचे देशकार्य व सामाजिक कार्याची माहिती केसरीवाडा प्रत्यक्ष बघून विद्यार्थीनाना मिळाली, तसेच लहान वयापासून पुस्तक वाचनाची आवड निर्माण व्हावी यासाठी पुणे मराठी ग्रंथालयात विद्यार्थींनीना नेण्यात आले, विद्यार्थीनींना वाचनासाठी पुस्तके दिली, गोष्टीची चित्रफीत दाखवण्यात आली, विद्यार्थीनींसमवेत पालकांनीही स्थळभेटीचा आनंद घेतला. विद्यार्थिनींना खाऊसुद्धा देण्यात आला.

टिळक पुण्यतिथी आणि शाळेचा वर्धापन दिन

सोमवार दिनांक ३ ऑगस्ट २०२६ रोजी शिशुमंदिर विभागामध्ये टिळक पुण्यतिथी साजरी करण्यात आली. लोकमान्य टिळक यांच्या प्रतिमेचे पूजन शिशुमंदिर विभागाच्या मुख्याध्यापिका मा.श्रीमती अरुंधतीजगदाळे यांच्या हस्ते करण्यात आले.विद्यार्थिनींना लोकमान्य बाळ गंगाधर टिळक यांच्या कार्याची माहिती सांगण्यात आली.तसेच ‘ या चला लोकमान्या,वंदू या टिळका ‘ हा श्लोक म्हणण्यात आला. याच दिवशी कात्रज शिशुमंदिर शाळेचा वर्धापन दिन सुद्धा साजरा करण्यात आला. शाळेची विविध चित्रा द्वारे सजावट करण्यात आली. विद्यार्थिनींना पूर्ण शाळेची सफर घडवून आणली. शाळेमध्ये मोठ्या ताईंच्या वर्गात बाकावर बसण्याचा आनंद घेत ग्रंथालय,प्रयोग शाळा,संगणक खोली या ठिकाणी भेटी दिल्या. अशा पद्धतीने उत्साहाने वर्धापन दिन साजरा करण्यात आला.

गुरुपौर्णिमा

बुधवार दिनांक २९ / ७ / २०२६ रोजी शिशुमंदिर विभागामध्ये गुरुपौर्णिमा असल्याने महर्षी व्यास प्रतिमा पूजन करण्यात आले, मुख्याध्यापिका श्रीमती अरुंधती जगदाळे आणि पालक शिक्षक संघ प्रतिनिधी यांच्या हस्ते प्रतिमेचे पूजन करण्यात आले. छोट्या विद्यार्थिनींनी विविध गुरुशिष्यांच्या गोष्टी सांगितल्या. शिक्षिका आणि शिक्षकेतर कर्मचाऱ्यांना श्रीफळ देऊन सन्मान करण्यात आला .

स्वच्छता दिंडी

बुधवार दिनांक २२/०७/२०२६ रोजी शिशुमंदिर विभागात पालखी सोहळा साजरा करण्यात आला. सोहळ्यात "स्वछता दिंडी" काढण्यात आली. सर्व विद्यार्थिनी वारकऱ्यांचा पोशाख करून पालखी सोहळ्यासाठी उपस्थित होत्या. शाळेमध्ये विविध चित्रे लावून सजावट करण्यात आली होती.श्रीमती अमृता पाटील यांनी पंढरपूर वारीबद्दल माहितीसांगितली.भजन,श्लोक म्हणण्यात आले .पारंपारिक वारकरी पोशाखामध्ये विद्यार्थीनींनी "स्वच्छता पाळा रोगराई टाळा " या विषयी घोषणा दिल्या. विठ्ठल नामाच्या गजरात,आरोग्याविषयी महत्त्व सांगत भक्तीपूर्ण वातावरणात पालखी सोहळा संपन्न झाला. स्वछता दिंडीची संकल्पना शाळेच्या मुख्याध्यापिका श्रीमती अरुंधती जगदाळे यांची होती.ह्यावेळी माध्यमिक विभागाच्या मुख्याध्यापिका मा. श्रीमती सुधा कांबळे उपस्थित होत्या. प्रसाद म्हणून विद्यार्थिनींना साखर फुटाणे देण्यात आले . विद्यार्थिनींना स्वच्छता आणि आरोग्याचे महत्व सांगण्यासाठी स्वच्छता दिंडीचे आयोजन करण्यात आले होते.

अभ्यासक्रम पालकसभा

शाळेमध्ये राबविण्यात येणारे विविध प्रकल्प तसेच शिकवण्यात येणारे विषय ह्याबद्दल पालकांना माहिती व्हावी ह्या उद्देशाने शनिवार दिनांक ११ जून २०२६ व १८ जून २०२६ रोजी शिशुमंदिर विभागामध्ये पालक सभा आयोजित करण्यात आली होती. पालकांना प्रात्यक्षिकाद्वारे अध्यापनाच्या विविध पद्धतींची माहिती देण्यात आली.अक्षरवळण, अंकओळख, गाणी, गोष्ट, जीवनव्यवहार, इंद्रियविज्ञान, गणिती संकल्पना अशा विषयांची साधनाद्वारे माहिती देण्यात आली.तसेच विद्यार्थिनींच्या सर्वांगीण विकासासाठी घरी घ्यावयांच्या कृतीबद्दल मार्गदर्शन करण्यात आले.ह्यावेळी मुख्याध्यापिका श्रीमती अरुंधती जगदाळे यांनी पालकांशी संवाद साधला.

स्वागत समारंभ

बुधवार दिनांक ८ जुलै २०२६ रोजी शिशुमंदिर मध्ये नवीन प्रवेश घेतलेल्या शिशुरंजन आणि छोट्या गटाच्या विद्यार्थिनींचे स्वागत मोठ्या गटातील विद्यार्थिनींनी केले.मोठ्या गटातील विद्यार्थिनींनी मनोगत व्यक्त केले. तसेच बालगीतांवर नृत्य सादर केले. मोठ्या गटातील शिक्षिकांनी पपेट शो सादर केला.शिशुरंजन आणि छोट्या गटाच्या वर्गामध्ये लावण्यासाठी आकाराची आळी भेट म्हणून देण्यात आला.मोठ्या गटातील विद्यार्थिनींनी शेंगदाण्याचा लाडू तयार केला आणि शिशुरंजन ,छोट्या गटातील विद्यार्थिनींना खाऊ म्हणून दिला. अशा पद्धतीने उत्साहाने नवीन प्रवेश घेतलेल्या विद्यार्थिनींचे स्वागत करण्यात आले.

आंतरराष्ट्रीय योग दिन

दरवर्षी २१ जून हा दिवस सर्वत्र जागतिक योगदिन म्हणून साजरा करण्यात येतो. आरोग्याच्या दृष्टीने योगासनांचे अनन्य साधारण महत्व आहे. म्हणूनच आपल्या शाळेत योगदिन मोठ्या उत्साहात साजरा केला .

शिशुमंदिरमध्ये चिमुकल्यांचे उत्साहात स्वागत

सोमवार दिनांक १५ जून २०२६ रोजी शिशुरंजन गट,गुरुवार दिनांक १८ जून २०२६रोजी छोटा गट आणि सोमवार दिनांक २२जून २०२६ रोजी मोठ्या गटाची शाळा सुरू झाली. चिमुकल्या विद्यार्थिनींचे शाळेच्या पहिल्या दिवशी उत्साहाने स्वागत करण्यात आले.शाळेमध्ये विद्यार्थिनींना आवडणारी चित्रे लावून सजावट करण्यात आली होती.शिक्षकांनी फुलांच्या पाकळ्यांची उधळण केली तर मुख्याध्यापिका श्रीमती अरुंधती जगदाळे यांनी विद्यार्थिनींचे औक्षण केले. सरस्वती पूजनाने शाळेच्या पहिल्या दिवसाची सुरुवात झाली. पालकांना शाळेच्या सर्व नियमांची माहिती सांगण्यात आली . विद्यार्थिनी आणि पालकांनी मिळून हस्तव्यवसाय मधून कागदी आईसक्रीम,कागदी फुलपाखरू,कागदी गोगलगायतयार करण्याचा आनंद घेतला. तसेच उपस्थिती नोंदवण्यासाठी फुलाचा ढगांचा आकार काढून पाल्याचे नाव लिहिणे ,झाडाच्या आकारात पाल्याचा फोटो चिकटवणे व त्याला आइसक्रीम स्टिक चिकटवून खोडाच्या आकारात लाऊन झाड तयार करणे.या प्रमाणे विद्यार्थिनी उपस्थिती तक्ता तयार करण्यात आला. शाळेतर्फे गोष्टीचे पुस्तक भेट म्हणून देण्यात आली, शेंगदाण्याची चिक्की हा खाऊ देण्यात आला. अशा विविध कार्यक्रमाद्वारे जल्लोषपूर्ण वतावरणात शाळेची सुरुवात झाली.