रँग्लर रघुनाथ पुरुषोत्तम परांजपे प्राथमिक शाळा हुजूरपागा

इयत्ता
१ ली ते ४ थी

वयोगट
६ वर्षे ते १० वर्षे

माध्यम
मराठी व सेमी इंग्रजी

शाळा प्रवेश इयत्ता पहिलीपासून सुरु

शाळेची वेळ
दररोज सकाळी ११ ते ४.३० व शनिवारी सकाळी ७.४५ ते ११.४५

पालकांसाठी शाळेत भेटण्याची वेळ
गुरुवार सायं. ४.३० ते ५.०० वाजता व शनिवारी दु. १२ वाजता

संपर्कासाठीचा पत्ता व फोन
६८९, नारायण पेठ, पुणे-३०.
०२० २४४५६२९०

ईमेल - huzurpaga1884@gmail.com

शाळेत शिकविले जाणारे विषय
मराठी, गणित, परिसर, इंग्लिश, कला, कार्यानुभव व शारीरिक शिक्षण
(इयत्ता १ ली ते ४ थी चे प्रत्येकी ४ वर्ग हे सेमी इंग्रजी चे आहेत)

मुख्याध्यापिका
श्रीमती साधना जक्कल

शिक्षक - २२
शिक्षकेतर कर्मचारी - २ लेखनिक, ३ सेवक, ३ सफाई कामगार.
एकूण विद्यार्थी - १११६

शाळेचा इतिहास

दि. २९ सप्टेंबर १८८४ विजयादशमीच्या मुहूर्तावर गव्हर्नर सर जेम्स फर्गसन यांच्या हस्ते ‘हायस्कूल फोर नेटिव्ह गर्ल्स’ संस्थेचे उदघाटन झाले. दि. २ ऑक्टोबर १८८४ पासून वाळवेकर वाड्यात वर्ग सुरु झाले. दि. १७ नोव्हेंबर १८८४ मध्ये किबे वाड्यात वर्ग सुरु झाले. दि. ४ मार्च १८८५ रोजी सांगलीचे श्रीमंत तात्यासाहेब पटवर्धन यांच्या मालकीच्या ‘हुजूरपागा’ या वास्तूत शाळेच्या इमारतीची कोनशिला सर जेम्स फर्गसन यांच्या हस्ते बसविण्यात आली.
रँग्लर रघुनाथ पुरुषोत्तम परांजपे यांनी प्राथमिक विभाग सुरु करण्यासाठी त्याकाळी पाच हजार रुपये देणगी दिली.
सन १९०७ साली प्राथमिक शाळा व मुलींना खेळण्यासाठी प्लेशेड बांधण्यात आले. प्राथमिकचे वर्ग सुरु झाले. शाळेच्या आवारात ‘आमराईत’ सन १९७८ मध्ये शाळेची नवीन इमारत बांधण्यात आली. दि. १३ जुलै १९७९ पासून आत्ताच्या वास्तूत प्राथमिक शाळा भरू लागली.
दि. २ ऑक्टोबर १९८३ मध्ये शाळेला रँ. र. पु. परांजपे प्राथमिक शाळा हुजूरपागा असे नाव रँ. र. पु. परांजपे यांच्या कन्या श्रीमती. शकुंतलाताई परांजपे यांच्या उपस्थितीत देण्यात आले.

मागील वर्षांचे शालेय उपक्रम


शालेय उपक्रम २०१८ - १९

२७ फेब्रुवारी २०१९ | मराठी दिनानिमित्त हुजूरपागेत काव्यवाचन स्पर्धा

रँ. र. पु. पराजपे हुजूरपागा शाळेत आज आंतरशालेय काव्यवाचन स्पर्धा मोठ्या उत्साहात पार पडली. १३३ विद्यार्थी व 33 शिक्षक यांच्या सहभागाने या स्पर्धेत रंगत आली. या वर्षी शिक्षकांची २ गटांमध्ये स्पर्धा घेण्यात आली. गट १) हुजूरपागा शिक्षक व गट २) इतर शाळेतील प्राथमिक शिक्षक. या स्पर्धेमध्ये बाहेरील शिक्षक गटात बालशिक्षण मंदिरच्या श्रीमती वंदना कुंडेटकर प्रथम क्रमांक तर वा. दि. वैद्य या शाळेच्या श्रीमती साधना फडणीस यांचा द्वितीय क्रमांक आला. हुजूरपागा गटात कात्रजच्या श्रीम. मोनाली तनपुरे यांचा प्रथम क्रमांक तर कात्रज शाळेच्याच श्रीम. ज्योत्स्ना पवार यांचा द्वितीय क्रमांक आला. पालकांच्या गटांमध्ये श्रीम. नेहा वैद्य यांचा प्रथम क्रमांक आला. विद्यार्थांच्या गटामध्ये एकूण पहिले चार व २ उत्तेजनार्थ अशी ६ बक्षिसे दिली. त्यामध्ये रँ. र. पु शाळेची शर्वरी कोकणे प्रथम क्रमांक, हुजूरपागा कात्रजची श्रीनिधी हुद्दार द्वितीय क्रमांक तर नवीन मराठी शाळेची सानिया भंडारे हिचा तृतीय क्रमांक आला. या बक्षीस वितरणाच्या कार्यक्रमास संस्थेच्या कोषाध्यक्षा श्रीमती विनयाताई देशपांडे आवर्जून उपस्थित होत्या. या संपूर्ण काव्यवाचन स्पर्धेसाठी श्रीमती अंजली कुलकर्णी, श्रीमती सुनीति लिमये, श्रीमती दीपा भिडे, श्रीमती नीलिमा रास्ते, श्रीमती गीता देशमुख, श्रीमती मंगला साळुंखे यांनी परीक्षण केले. बक्षीस वितरण कार्यक्रमात प्रसिद्ध लेखिका श्रीम. अंजली कुलकर्णी त्यांच्या मनोगतात शाळेच्या अशा वैशिष्ट्यपूर्ण उपक्रमाचे कौतुक केले. तसेच कवितेचा निखळ आनंद लुटण्यासाठी अशा स्पर्धांचे आयोजन केले जावे असे सांगितले. या कार्यक्रमासाठी शाळेच्या मुख्या. मा. श्रीम. साधना जक्कल बाईंचे मोलाचे मार्गदर्शन लाभले.

Kavya Wachan Kavya Wachan Kavya Wachan Kavya Wachan Kavya Wachan Kavya Wachan

१९ फेब्रुवारी २०१९ | रँ. र. पु. हुजूरपागेत शिवजयंती जल्लोषात साजरी

इयत्ता ३ री व ४ थीच्या विद्यार्थिनी पारंपरिक पोशाखात शाळेत आल्या होत्या. कार्यक्रमाची सुरुवात मा. मुख्या. श्रीमती साधना जक्कल बाई यांच्या हस्ते शिवप्रतिमेच्या पूजनाने झाली. त्यानंतर सर्व विद्यार्थिनी, शिक्षक व पालकांसमवेत शालेय आवाराभोवती प्रभातफेरी शिवरायांच्या जयघोषाने निनादून निघाली. त्यानंतर शिवरायांच्या विविध प्रसंगातून त्यांच्या पराक्रमाची यशोगाथा दाखविण्यात आली. कार्यक्रमाचे सूत्रसंचालन विद्यार्थिनींनी केले. सर्व कार्यक्रमासाठी मा. मुख्या. जक्कल बाईंचे मोलाचे मार्गदर्शन लाभले. अवघ्या वातावरणात शिवमय सळसळता उत्साह संचारत होता.

Shivjayanti Shivjayanti Shivjayanti Shivjayanti Shivjayanti

१९ डिसेंबर १८ | स्नेहसंमेलन

विद्यार्थिनींच्या कलागुणांना वाव देणारा, बक्षिसे मिळविणाऱ्या मुलींचे कौतुक करणारा लगबगीचा दिवस म्हणजे स्नेहसंमेलन. यावर्षी शाळेचे स्नेहसंमेलन बुधवार दि. १९/१२/१८ रोजी हुजुरपागेच्या प्रांगणात भरविण्यात आले. संमेलनाची प्रमुख पाहुणी म्हणून छत्रपती संभाजी मालिकेतील युवराज्ञी येसूबाई म्हणजेच हुजूरपागेची माजी विद्यार्थिनी प्राजक्ता गायकवाड ही लाभली होती.

Varshik snehasammelan Varshik snehasammelan Varshik snehasammelan

नोव्हेंबर २०१८ | शैक्षणिक सहल

शाळेमध्ये अनेक उपक्रमांची रेलचेल असते. या सर्व उपक्रमांमध्ये सर्वांचा आवडता उपक्रम म्हणजे "शैक्षणिक सहल". दरवर्षी विद्यार्थिनी आपल्या मैत्रिणींबरोबर वेगवेगळ्या ठिकाणी सहलीचा आनंद लुटतात. यातून नवीन ठिकाणांना प्रत्यक्ष भेट देऊन तर होतेच मात्र त्याबरोबर विद्यार्थिनींच्या अनेक क्षमतांचा विकास होण्यास मदत होते.

दिनांक इयत्ता ठिकाण
२० नोव्हेंबर २०१८ ४ थी Moon Water Resort
२७ नोव्हेंबर २०१८ ३ री निसर्ग संगीत
२२ नोव्हेंबर २०१८ २ री बनेश्वर कृषी पर्यटन केंद्र
२९ नोव्हेंबर २०१८ १ ली मुंदडा कि वाडी

Sahal Sahal Sahal Sahal Sahal

क्रीडा स्पर्धा

Sports Sports Sports Sports Sports

२ नोव्हेंबर १८ | दिवाळी

"आली आली दिवाळी जिची पाहत होतो वाट
आनंदाचे तरंग सर्वत्र पसरली उत्साहाची लाट"

दरवर्षीप्रमाणे यावर्षी ही शुक्रवार दि. २/११/१८ रोजी दिवाळी साजरी करण्यात आली. शाळेत अतिशय उत्साहाचे वातावरण पसरले होते. शाळेच्या प्रवेशद्वाराजवळ किल्ला, मावळे, दिव्यांची रोषणाई, आकाशकंदील अशी जय्यत तयारी करण्यात आली होती. आवडीच्या पोशाखातील मुलींना दिवाळी भेट म्हणून खाऊ व आकाशकंदील देण्यात आले.

Diwali Diwali Diwali Diwali Diwali

१ अॉक्टोबर | हुजूरपागेत डिजिटल वर्गांचा विद्यार्थ्यार्पण सोहळा

म. ग. ए. संस्थेच्या रॅं. र. पु. परांजपे प्राथमिक शाळा, हुजूरपागा येथे चार टि.व्ही वर्ग, चार इंटरॲक्टीव्ह बोर्ड असणारे वर्ग, एक साऊंड क्लास व ६४ टॅबची एक प्रशस्त टॅबलॅब यांच्या उद्घाटनाचा कार्यक्रम सोमवार दि. १/१०/२०१८ रोजी सकाळी १० वाजता संपन्न झाला. उद्घाटनासाठी मा. श्री. डॉ. सुनील मगर संचालक बालभारती, मा. श्री. राजेंद्र जगताप मुख्य कार्यकारी अधिकारी स्मार्ट सिटी पुणे, तसेच संस्थेच्या अध्यक्षा मा. श्रीमती शामाताई जाधव, सचिव मा. श्रीमती रेखाताई पळशीकर, कोषाध्यक्षा मा. श्रीमती उषाताई वाघ, सहसचिव मा. श्रीमती शालिनीताई पाटील तसेच संस्थेचे मान्यवर पदाधिकारी, विभाग प्रमुख, पालक व विद्यार्थ्यांच्या उपस्थितीत पार पडला.
सदर कार्यक्रमात बोलताना श्री. मगरसाहेब यांनी “पुण्यात डिजिटल बनलेली पहिली शाळा" या शब्दांत शाळेचे अभिनंदन केले. तंत्रज्ञानाप्रमाणे संस्कार, शिक्षक, अभ्यासक्रमाशी सुसंगत साहित्य यांचीही तितकीच गरज आहे, असेही सांगितले. तर श्री. राजेंद्र जगतापसाहेबांनी डिजिटल शाळा झाल्यामुळे आता शाळेतून स्मार्ट मुली बाहेर पडतील असा विश्वास व्यक्त केला. तसेच विद्यार्थिनींचे कौतुकही केले. सदर कार्यक्रमात शाळेने डिजिटल वर्गांबरोबर विद्यार्थिनींना त्यांच्या मोबाईलमध्ये त्यांच्या इयत्तेप्रमाणे शैक्षणिक ॲप देऊन ८४७ विद्यार्थिनीही डिजिटल केल्या. त्या ॲपचेही व्हर्च्युअल उद्घाटन सर्व प्रमुखांच्या हस्ते करण्यात आले.
या सर्व कार्यक्रमाच्या पूर्णत्वासाठी शाळेच्या मुख्याध्यापिका मा. श्रीमती साधना जक्कल यांचे मार्गदर्शन लाभले.

Digital shala Digital shala Digital shala Digital shala Digital shala Digital shala

४ सप्टेंबर | हुजूरपागेत पुस्तकहंडी दणक्यात साजरी

मंगळवार दि. ४ सप्टेंबर १८ रोजी रँ. र. पु. परांजपे प्राथमिक शाळा हुजूरपागेत “पुस्तकहंडी” साजरी करण्यात आली. यावेळी इ. १ लीच्या छोट्या विद्यार्थिनींनी कृष्ण बनून तर इ. २ रीच्या मुलींनी राधा बनून दहीहंडी फोडण्याचा आनंद घेतला. तसेच इ. ४ थीच्या विद्यार्थिनींनी गोविंदा बनून नृत्याचा आनंद लुटला. या उपक्रमात हंडीत प्रसादाऐवजी पुस्तकांच्या चिठ्ठ्या ठेवण्यात आल्या होत्या. चिट्ठी मिळालेल्या मुलींना भेट स्वरुपात पुस्तक देण्यात आले. विद्यार्थिनींसह सर्व शिक्षकांनीही या छोट्या बाळगोपाळ व राधाकृष्णाबरोबर पुस्तकहंडीचा आनंद लुटला. या उपक्रमास मा. मुख्याध्यापिका श्रीमती साधना जक्कल यांचे मोलाचे मार्गदर्शन लाभले.

Pustak handi Pustak handi

२७ ऑगस्ट | हुजूरपागेची आगळीवेगळी राखीपौर्णिमा

रेनबो फ़ाऊंडेशन इंडिया (R.F.I.) अंतर्गत "स्नेह घर" या अनाथ मुलांच्या संस्थेत सोमवार दि. २७ ऑगस्ट २०१८ रोजी रँ. र. पु. परांजपे प्राथमिक शाळा, हुजूरपागा या शाळेतील इ. ४ थीच्या विद्यार्थिनींनी राखीपौर्णिमेचा आगळावेगळा उपक्रम साजरा केला. मुलींनी स्वतः बनविलेल्या राख्या या अनाथ मुलांना बांधल्या व त्यासोबत भेटकार्डही दिले. याचबरोबर S.R.P. प्रमुख श्री. अजित कोल्हे व त्यांचे सहकारी यांनाही राख्या बांधल्या.
आपल्या पोलीस बांधवांप्रती वाटणाऱ्या भावना त्यांना सुंदर पत्रे व चित्र असणारे हस्तलिखित देऊन व्यक्त केल्या. तेथील मुलांनी व आपल्या विद्यार्थिनींनीही या कार्यक्रमाविषयीचे आपले मनोगत व्यक्त केले. S.R.P. ग्रुप तर्फे मुलींना खाऊ व भेटवस्तूंचे वाटप करण्यात आले. शाळेतर्फे तेथील सर्वांना मिठाई देण्यात आली. असा आगळावेगळा उपक्रम शाळेच्या मुख्या. मा. श्रीमती साधना जक्कल यांच्या मार्गदर्शनाखाली पार पडला.

Rakshabandhan Rakshabandhan Rakshabandhan

१ ऑगस्ट | बालसभा

रँ.र.पु.परांजपे प्राथमिक शाळेत बुधवार दि. १ ऑगस्ट २०१८ रोजी इ. ४ थीच्या विद्यार्थिनींनी बालसभेचे आयोजन केले होते. या कार्यक्रमासाठी अध्यक्ष म्हणून हायस्कूलमधील इ. ९ वी ब मध्ये शिकत असलेली विद्यार्थिनी कु. सिद्धी फिरोदिया हिला आमंत्रित केले होते. मुलींनीच या कार्यक्रमात पाहुण्यांची ओळख, सूत्रसंचालन इ. उत्तमरीत्या केले. तसेच मुलींनी लोकमान्य टिळकांचा पोवाडा, गाणी, त्यांचे कार्य, माहिती गोष्टीरूपात सांगितली. तसेच सिद्धी फिरोदिया हिने मुलींना अतिशय सुंदर उपदेशपर मार्गदर्शन केले.

Balsabha Balsabha Balsabha Balsabha Balsabha

३१ जुलै | निवडणुक

मंगळवार दि. ३१ जुलै, रोजी रँ.र.पु.परांजपे प्राथमिक शाळा, हुजूरपागा येथे “विद्यार्थिनी मंत्रिमंडळ निवडणुका“ घेण्यात आल्या. विद्यार्थिनींना सार्वत्रिक निवडणुकांची माहिती व्हावी या उद्देशाने शाळेने प्रथमच हा उपक्रम राबविला. मुलींकडूनही यास भरघोस प्रतिसाद मिळाला. इयत्ता १ ली ते ४ थीच्या सर्व मुलींनी उमेदवार पत्रिका तयार करणे, उमेदवार निवडणे, योग्य चिन्हावर शिक्का मारणे, प्रचार, पोलीस बंदोबस्त ही सर्व कामे आवडीने केली. तसेच आवडता प्रतिनिधी निवडून आल्यावर जल्लोषही साजरा केला. विविध वर्गांतून नाविन्यपूर्ण रीतीने व कल्पकतेने निवडणूक घेण्यात आली. शाळेने राबविलेल्या या उपक्रमासाठी शाळेच्या मुख्याध्यापिका मा. श्रीमती साधना जक्कल यांचे मोलाचे मार्गदर्शन लाभले.

Nivadnuk Nivadnuk Nivadnuk Nivadnuk Nivadnuk Nivadnuk

१४ जुलै २०१८ | विठ्ठलाच्या नामगजरात हुजूरपागा दुमदुमली

शनिवार दि. १४ जुलै २०१८ रोजी रँ.र.पु.परांजपे प्राथमिक शाळा, हुजूरपागा, लक्ष्मी रोड येथे पालखी सोहळा आयोजित करण्यात आला. त्यानिमित्ताने स्वच्छता, पर्यावरण, वृक्ष, ग्रंथ अशा विविध दिंड्यांसह आधुनिक काळाचे प्रतिनिधित्व करणारी ‘डिजिटल दिंडी’ ही दिमाखात सहभागी झाली होती. यावेळी मुलींनी लक्ष्मी रोड येथून पालखी मार्गस्थ होताना नागरिकांना तुळशीची रोपे वाटली. यातूनच “झाडे लावा झाडे जगवा” हा संदेश या चिमुकल्यांनी अप्रत्यक्षरीत्या दिला. तसेच “प्लास्टिक टाळा, कापडी पिशव्या वापरा” असा जयघोष करत कापडी पिशव्यांचे वाटप रस्त्याने चालणाऱ्या नागरिकांना केले. विद्यार्थिनींचे कौतुक करत रिक्षावाले काकाही उत्साहाने या दिंडीत सहभागी झाले.
या नाविन्यपूर्ण दिंडीचे आयोजन सर्व उत्साही शिक्षकांनी केले, तर त्यांना मार्गदर्शन शाळेच्या मा. मुख्याध्यापिका श्रीमती साधना जक्कल यांनी केले.

Palakhi Palakhi Palakhi Palakhi Palakhi Palakhi Palakhi

२१ जून २०१८ | हुजूरपागा प्राथमिक शाळेत योगदिन उत्साहात साजरा

"आंतरराष्ट्रीय योगदिनाचे" औचित्य साधून गुरुवार दि. २१ जून २०१८ रोजी रँ.र.पु.परांजपे प्राथमिक शाळा, हुजूरपागा, लक्ष्मी रोड येथे 'योगदिन' उत्साहात साजरा झाला. शाळेच्या विद्यार्थिनींना योगदिनाचे महत्व सांगण्यात आले. सूर्यनमस्कार, प्राणायम, विविध व्यायाम प्रकार, आसने इ. प्रात्यक्षिकांचे सादरीकरण इ. ४ थीच्या सर्व विद्यार्थिनींनी केले. यावेळी शाळेच्या मुख्याध्यापिका मा. श्रीमती साधना जक्कल तसेच सर्व इ. ४ थीचे सर्व वर्गशिक्षक उपस्थित होते.

Yogdin Yogdin Yogdin Yogdin Yogdin

जून २०१८ | हुजूरपागा प्राथमिक शाळेत नवागतांचे स्वागत

रँ.र.पु.परांजपे प्राथमिक शाळा, हुजूरपागा येथे शालेय आवारात फुगे लावून, रांगोळ्या काढून सनईच्या मधुर सुरांनी मुलींचे स्वागत करण्यात आले.
शिक्षण मंडळ पुणे मनपाच्या सहाय्यक प्रमुख मा. श्रीमती रंधवे मॅडम, पर्यवेक्षक मा. श्री. मेमाणे सर, सोनवलकर सर, डायटचे प्रमुख मा. श्री. शेवाळे सर व शाळेच्या मा. मुख्याध्यापिका श्रीमती साधना जक्कल बाई यांच्या हस्ते सरस्वतीपूजन करण्यात आले.
शाळेतील सर्व मुलींना पाठ्यपुस्तके व खाऊ देऊन तर पालकांना गुलाबपुष्प देऊन स्वागत करण्यात आले.

Navagatanche Swagat Navagatanche Swagat